答案先講：木帆船好安全（UNESCO工藝＋現代安全設備＋逐艘驗船）、旺季唔多暈浪、大部分旗艦船有衛星WiFi、食物好食到落唔到磅、小費行情5–10%。以下係香港客人問得最多嘅10條，逐條答。
1. 木船，真係穩陣？
菲尼西係UNESCO人類非物質文化遺產工藝，鐵木船體由造船世家人手打造，再配現代導航、救生筏、滅火系統，受印尼海事部門年檢。我哋每艘合作船另加自己親身驗船（救生消防、船體、船員、保險逐項check），2015年至今800+航程。
2. 暈唔暈浪？
旺季（10–4月）四王群島海面好平靜，40–65米船身好穩。容易暈嘅話：出發前半粒暈浪藥、揀中層艙房、望遠處地平線。大部分客人第二日已經適應。
3. 有冇WiFi？
旗艦菲尼西多數有衛星WiFi（部分係Starlink），send message、覆email得，睇片就唔好指意。出海本來就係digital detox——同事搵你唔到，先係真放假。
4. 食啲乜？
每日三餐由船上大廚即製：印尼風味＋國際菜式，海鮮新鮮到痴線。素食、清真、小朋友餐、食物敏感，訂船時講低就安排。
5. 沖涼焗唔焗？
全部冷氣套房連私人浴室、熱水花灑。旗艦船仲有露台房同埋甲板浸浴池。唔好用「露營」想像佢，用「浮動精品酒店」先啱。
6. 著啲乜衫？
船上dress code係「舒服」：泳衣、T恤、短褲、拖鞋。要嘅係：長袖水母衣（防曬）、薄外套（夜晚海風）、reef-safe防曬。上觀景台要對抓地好嘅鞋。
7. 小費俾幾多？
行情係船費嘅5–10%，落船嗰日交畀船長平分。以7晚計，每人準備US$100–200等值現金（美金或印尼盾都得）就好體面。
8. 電話卡點搞？
索隆買張Telkomsel卡（機場有），市區4G夠用；出海後反正無訊號，唔使買太大數據。緊要嘢用船上WiFi。
9. 帶幾多現金？
船上費用（酒精、Nitrox、水療）多數落船前埋單，可用現金或預先安排。現金主要係小費＋索隆雜費，每人US$200–300等值好鬆動。
10. 點樣揀船？
4人以下睇船宿床位，4人以上直接包船更抵兼有私隱。唔識揀？WhatsApp講低人數、日數、預算，我哋出3個方案俾你——中文對應，唔使怕溝通唔到。
想直接問人？
中文／廣東話 WhatsApp，24小時內回覆船期同報價。